Güney Azərbaycan milli hərəkatının digər bir aktivisti Həmid Purvəli məhkəmənin elektron sistemi vasitəsi ilə bildiriş alaraq prokurorluğa gəlməsi tələb olunub.

Gunaz.tv

21 fevral tarixli bildirişdə izahat verməsi məqsədi ilə 5 gün ərzində özünü Təbriz rayonu Ümumi Prokurorluğunun 15-ci şöbəsinə təqdim etməsi istənilib.

Aktivistin bacısı Ayda öz İnstaqram hesabında bildirişin surətini paylaşaraq onun çağırılmasını qınayıb.

Xatırladaq ki, aktivist bundan əvvəl Təbriz şəhəri Rasta Küçə məhləsində Urmu gölünün qurudulmasına aksiyalar vaxtı 2022-ci ilin iyul ayının 16-da 7 nəfər digər genyli aktivistlə birgə saxlanılıb.

O, təzminat qismində mülk sənədi qoyuluşu şərti ilə açılmış işin istintaqı bitirilənədək 3 gün sonra Təbriz şəhəri Mərkəzi Həbsxanasından mqvəqqəti azad olunub.

Həmid taninmiş aktivist rəhmətlik Əziz Purvəlinin oğludur və Azərbaycan hüquqları üzrə fəaliyyətləri səbəbindən dəfələlrlə hədələnib, saxlanılıb və həbs olunub.