Təbriz tibb işçilərinin bir qrup üzvü şəhərin Nisfirah bölgəsində yerləşən sağlamlıq mərkəzinin qarşısına toplaşaraq borcların ödənilməməsinə və problemlərinin həll edilməməsinə etiraz ediblər.

Gunaz.tv

Etirazçılar əllərində borcların dərhal ödənilməsini, dolanışıq və rifah problemlərinin həllini tələb edən plakatlar tutublar.

Qeyd edək ki, 2025-cü il martın 8-i şənbə günü Təbrizdəki İmam Rza xəstəxanasının əməliyyat otağının işçiləri tələblərinin yerinə yetirilməməsinə etiraz olaraq tətilə çıxmış və əməliyyatlardan imtina etmişdilər. O cümlədən, Bazar ertəsi Təbrizin Mərdani Azər xəstəxanasının tibb işçiləri 6 aylıq maaşlarının ödənilməməsinə və əlavə iş saatlarına etiraz olaraq tətilə başlayıblar.