Azərbaycanın ənənəvi mədəniyyət və ayinlərini yaşatmaq məqsədi ilə Urmiyə Universitetində tələbələrin, professor-müəllim heyətinin, Azərbaycan mədəniyyət ilə maraqlananların iştirakı ilə “Novruz bayramı” üçün xüsusi proqram keçirilib.

Gunaz.tv

Bu mərasimdə fırlanma, bulaqdan su gətirmək, şeir söyləmək və başqa ənənəvi tamaşalar nümayiş etdirilib. Bu proqramlar qədim ayinlərin canlandırılması və mədəni dəyərlərin gənc nəslə ötürülməsi məqsədi ilə həyata keçirilib.

Azərbaycan xanəndələri də ənənəvi aşıq alətinin füsunkar sədalarının müşayiəti ilə baharı və Novruzu vəsf edən gözəl şeirlər səsləndirərək mərasimə xüsusi ab-hava verib və bu tamaşaçılar tərəfindən coşqu ilə qarşılanıb.

Daha sonra Azərbaycan türk ədəbiyyatı professoru cənab Sobhdil Novruz və Baharda Azərbaycan xalqının ayin və adət-ənənələri haqqında çıxış edərək bu mədəni irsin qorunub saxlanmasının və yaşadılmasının vacibliyini vurğulayıb.