Bazar ertəsi, mayın 5-də Vərziqan əyalətinin Əndəriyan kəndində qızıl mədəni şirkətinin bir qrup əməkdaşı işdən çıxarılmaları ilə bağlı etiraz eyləmi keçirib.

Gunaz.tv

Məlumata görə, yerli sakin olan 50-yə yaxın şəxs naməlum səbəbdən işdən çıxarılıb.

Qeyd edək ki, Əndəriyan qızıl mədəni Azərbaycanın Vərziqan şəhristanının Xarvana rayonunda yerləşir. Bu mədəndə 30 milyon ton qızıl filizi ehtiyatı olduğu ehtimal edilir. Mədən illərdir rus və fars şirkətləri tərəfindən talan edilir. Amma bu qızıl mədəninin əsas sahibləri olan Azərbaycan xalqı bu nəhəng sərvətlərdən pay almır və yoxsulluq, işsizlik, miqrasiya və mədənin qeyri-standart fəaliyyətinin səbəb olduğu ekoloji problemlərlə mübarizə aparır.

Son illər Əndəriyan sakinləri qızıl mədəninin dağıdıcı fəaliyyətinə və yaranmış ekoloji problemlərə görə bir neçə dəfə etiraz eyləmi keçiriblər.