Urmu gölündə suyun səviyyəsi ən aşağı həddə çatıb və bundan aşağı düşəcəyi təqdirdə əlavə rəqəmlərin açıqlanacağına ehtiyac olmayacaq.

Gunaz.tv

Bunu İran Ətraf Mühitin Mühafizəsi Təşkilatının nümayəndəsi Əhmədrza Lahicanzadə deyib.

"Urmu gölünün su səviyyəsi üçün mümkün olan ən aşağı rəqəm hazırda qeydə alınan rəqəmdir”,- o əlavə edib.

Lahicanzadənin sözlərinə görə, avqustun 1-nə olan son statistik məlumatlara əsasən, gölün səviyyəsi 1269,74, sahəsi 581 kvadrat kilometr, suyunun həcmi isə yarım milyard kubmetr olub.

Xatırladaq ki, Urmu gölünün minimum ekoloji su həcmi 15 milyard kubmetr, maksimum ekoloji su həcmi isə 30 milyard kubmetr, minimum ekoloji sahəsi isə 4635 kvadrat kilometr olmalıdır.

Qeyd edək ki, İran Prezidenti Məsud Pezeşkian seçki qabağı təbliğat və təşviqat kampaniyasında seçiləcəyi təqdirdə əsas hədəflərindən birinin Urmu gölünün qısa müddətdə bərpası olduğunu bildirmişdi.