Yeni GAMOH sədri Lətif Həsənli 47 gündür ki, aclıq aksiyası keçirir. Onun vəziyyətinin həddən artıq ağır olduğu, artıq danışıq qabiliyyətini itirdiyi bildirlir. Məlumata görə, hazırda Kərəvc zindanında olan milli-fəal həkimlərin köməyindən imtina edib. Zindan rəisi də onu aclığını dayandırması üçn təzyiqlərə məruz qoyur, onun yenidən Təbriz təcridxanasına göndərəcəyi ilə təhdid edir.
İndiyə qədər Quzey və Güney Azərbaycandan onlarla nüfuzlu şəxs və təşkilatlar, o cümlədən Qarabağ Bloku və BAO Gənclər Təşkilatı ona müraciət edərək aclığını dayandırmağı xahiş edib. Fəqət yurdumuzun bu qəhrəman oğlu mənfur İran rejiminə qarşı, ölüm bahasına da olsa, sona qədər dirənməkdə qərarlıdır. Azərbaycan Respublikası rəhbərliyinin, deputatların və siyasi partiya liderlərinin bu məsələyə laqeyidliyini isə anlamaq mümkün deyil.