Təbriz Bələdiyyə İdarəsinin Təhlükəsizlik və Yanğınsöndürmə Xidmətinin rəhbəri əməkdaşların radio-cihazda türkcə danışmasını qadağan edib.
Yanğınsöndürmə Xidmətinin Baş Qərargahı nəzdində fəaliyyət göstərən komandirlik və telekommunikasiya idarəsinin müdiri Məhəmməd Rza Məhəmmədi tərəfindən imzalanan sərəncamda bildirilib ki, qurumun rəhbərliyinin əmrinə əsasən rabitə-cihazlarında aparılan bütün danışıqlar farsca olmalıdır.
Daha öncə, idarənin baş qərargahı şəhərin yanğınsöndürmə məntəqələrinə radio-cihazda farsca danışmanın məcburi olması ilə bağlı elanlar yapışdırılmasını əmr etmişdi.
Məlumata əsasən, yanğınsöndürənlər əmrə əməl etmədikləri təqdirdə cərimə və töhmətlə üzləşəcəklər.