Digər komandalar kimi biz də birinci yeri tutmaq istəyirdik. Əlimizdən gələni etdik, olmadı, gümüş medal qazandıq. Bu münasibətlə komandamızı təbrik edirəm.

AZƏRTAC xəbər verir ki, bu sözləri qadın voleybolçulardan ibarət Azərbaycan millisinin üzvü Marqarita Stepanenko yığmanın VI İslam Həmrəyliyi Oyunlarındakı çıxışı barədə danışarkən söyləyib.

O, sözünə davam edərək deyib:”Komandamızda gənc oyunçular da var və bu yarış onlar üçün böyük təcrübə oldu. İnanıram ki, gələcəkdə daha yaxşı nəticələr əldə edəcəyik”.

Qeyd edək ki, yığma finalda Türkiyəyə 0:3 hesabı ilə məğlub olaraq gümüş medalla kifayətlənib.