NATO-nun növbəti sammiti Ukraynaya sülhməramlı missiyanın göndərilməsi məsələsinə baxmağa hazırdır.

Trend-in "UNİAN"a istinadən verdiyi məlumata görə, bunu Polşanın baş naziri Mateuş Moravetski deyib.

"Bu təklif (Ukraynaya NATO sülhməramlı missiyasının göndərilməsi - red.) çox vacib idi. Ukrayna suveren dövlətdir və istənilən insanları öz ərazisinə dəvət etmək hüququna malikdir. Belə bir sülhməramlı missiya, şübhəsiz ki, Ukraynanın əksər hissəsinə sülh gətirəcək", - deyə baş nazir bildirib.

NATO-nun sülhməramlı missiyası təklifinin kiminlə müzakirə edildiyi sualına M.Moravetski "əvvəla, biz bunu ən yaxın müttəfiqlərimizlə müzakirə etmişik və NATO-nun növbəti sammitində bu təklif təqdim olunacaq" deyə cavab verib.