Meksikanın mərkəzindəki Puebla ştatında tibbi avadanlıqlar istehsalı üzrə fabrikdə güclü partlayış baş verib.

Bu barədə regional xilasetmə xidmətinin "Twitter" səhifəsində bildirilib.

Məlumata əsasən, partlayış nəticəsində fabrikin 1 işçisi həlak olub, daha 12 işçi isə xəsarət alıb.
"San-Fransisko-Totimeuakan rayonundakı fabrikdə baş verən partlayışdan sonra yekun hesablamaya görə, 12 nəfər yaralanıb, 1 nəfər ölüb. Təcili xidmətlər dağıntıları təmizləməyə davam edir", - deyə paylaşımda deyilir.

Partlayış səbəbi hələ məlum deyil.