Qvatemaladakı "La Aurora" beynəlxalq hava limanı "Fueqo" vulkanının püskürməsi səbəbindən müvəqqəti bağlanıb.

Trend xəbər verir ki, bu barədə bazar günü ölkənin Mülki Aviasiya Baş İdarəsindən bildirilib.

"Vulkan aktivliyi və uçuş-enmə zolağı ətrafında kül olması səbəbindən hava limanında əməliyyatlar dayandırılıb", - deyə açıqlamada bildirilir.

Hava limanı "Fueqo" vulkanından təxminən 40 km aralıda yerləşir.