ABŞ-ın paytaxtı Vaşinqton və ətraf ştatlarda eşidilən yüksək səs partlayış qorxusu ilə panikaya səbəb olub.

AZƏRTAC “TRT Haber”ə istinadla xəbər verir ki, Virciniya, Vaşinqton və Merilend ştatlarının bir çox sakini güclü partlayışın baş verdiyini düşünərək polisə müraciət edib.

Səlahiyyətlilərin uzun müddət cavab verməməsi şübhələri daha da artırıb. Hadisədən 45 dəqiqə sonra Merilend ştatının Annapolis bölgəsinin polis şöbəsi açıqlama yayaraq partlayış ehtimalı yaradan güclü səsin reaktiv təyyarənin səs həddini aşan bir məşq nəticəsində yarandığını bildirib.