Bu gecə Zaporojye istiqamətində Ukrayna Silahlı Qüvvələrinin qüvvələri Rusiyanın müdafiəsini yarıb keçməyə cəhd göstərir.

APA-nın Moskva müxbiri xəbər verir ki, bunu Rusiya müdafiə naziri Sergey Şoyqu bildirib.

"Bu gün saat 01:30-da Zaporojye istiqamətində düşmən 1500 nəfərə qədər olan 47-ci mexanikləşdirilmiş briqadanın qüvvələri və 150 ​​zirehli texnikası ilə müdafiəni yarıb keçməyə cəhd edib. Düşmən vaxtında aşkar edilib, artilleriya, aviasiya və tank əleyhinə silahlardan qabaqlayıcı zərbə endirilib", - deyə Şoyqu vurğulayıb.

Rusiya MN başçısı əlavə edib ki, Ukraynanın dörd istiqamətdə hücumunun qarşısı alınıb və ağır itkilərlə geri çəkilib.