"ABŞ prezidentliyinə namizəd Hillari Klintonun PKK-nın Suriya qolu olan PYD-yə silah tədarükünün gərəkli olmasına dair bəyanatı terrorizmə dəstəkdir".
Bunu Türkiyənin xarici işlər naziri Mövlud Çavuşoğlu deyib.
M.Çavuşoğlu bildirib: "Bu baş verərsə, ABŞ terroru dəstəkləyən ölkəyə çevriləcək. Biz sadəcə dostcasına xəbərdarlıq etmək istəyirik: terrorçularla əməkdaşlıq edənlər onlarla əlbirdirlər".
Qeyd edək ki, Klinton Sent-Luisdə keçirilən teledebatlar zamanı ABŞ-ın Suriya və İraqda "ən yaxın dostları" adlandırdığı PYD terrorçularının silahlandırılması məsələsini nəzərdən keçirəcəyini vəd edib.
Politoloq Məhəmməd Əsədullazadənin fikrincə ABŞ prezidentliyinə namizəd Hillari Klintonun Suriyada PYD və YPG silahlandırmasını qeyd etməsi və Suriyada kürdləri yaxın müttəfiq adlandırması, ABŞ-ın Yaxın Şərqdə artıq Türkiyə ilə müttəfiqliyinə son verməsi anlamına gəlir. ABŞ Türkiyənin israrlı tələblərinə baxmayaraq hazırda Suriyada terrorçu PKK-nın Suriyada qolu olan PYD və YPG lojistik dəstək verərək, Kobanidə hərbi baza yaratması, deməyə əsas verir ki, Yaxın Şərqdə Türkiyəsiz hərəkət edəcəkdir. Türkiyənin Şimali Suriyaya hərbi müdaxiləsi hələlik, ABŞ -ın kürd muxtariyyətinin yaratmasını əngəlləyib. Həmçinin,Suriyada Rusiya iləTürkiyənin müəyyən razılaşması kürdlərin bu arzusun reallaşdırmasına bir əngəl olubdur. ABŞ kürdləri silahlandırmaqla, muxtariyyətə gedəcək siyasət aparmaqdadır. Qeyd edim ki, Klinton prezident seçilərsə, Suriyayada xüsusilə Yaxın Şərqdə vəziyyət gərginləşəcək. Əsədi devirəcək və Suriyada kürd muxtariyyəti elan etməklə, Türkiyə ilə əlaqləri korlayacaq. Türkiyə-Rusiya yaxınlaşması, ABŞ-ın Suriyada Türkiyə əleyhinə açıq siyasət aparması ilə nəticələnəcək. Artıq, ABŞ və Türkiyə müttəfiqliyində soyuq münasibətlər yaşanmaqdadır. Klinton ABŞ-Türkiyə müttəfiqliyinə son verecək. Klintonun kürdlər barədə açıqlaması, regionda daha da ciddi təhlükəsizlik problemlərinə yol açmaqdadır. Əgər Klinton belə açıqlaması, ABŞ-da kürd lobbilərin səsini almaq üçün edirsə, amma ABŞ-da kürd lobbiləri demək olar yoxdur. Demək, Klintonun bu, açıqlaması, ABŞ-ın yaxın perspektivdə kürdlərlə Yaxın Şərqdə öz strategiyasını davam etdirəcək. Klintonun prezidentliyi Mərkəzi Asiyada da sabitsizliyə yol açacaq. İŞİD hazırda Tacikistanla Əfqanistan sərhəddində cəmləşib. Rusiyanı Yaxın Şərdən çıxartmaq üçün problemləri Mərkəzi Asiyaya daşıyacaq.Yeni münaqişə ocaqları artmaqda davam edəcək.