İsrailin baş naziri Binyamin Netanyahu, işğal altındakı İordan çayının qərb sahilindəki Batı Şeria və Qəzza zolağını tutmağa davam edəcəklərini bəyan edib. Xalqcəbhədi.az xarici mətbuata istinadən xəbər verir ki, İsrail baş nazirliyindən verilən açıqlamaya görə, Netanyahu təxminən 5 aydır apardıqları diplomatik kampaniya ilə Qəzzada əsgərlərə hərəkət azadlığı təmin etdiklərini, müharibənin dayandırılması üçün sıx beynəlxalq təzyiqlərə müqavimət göstərdiklərini bildirib.
Son zamanlar müstəqil Fələstin dövlətinin təktərəfli qurulması ilə bağlı “İsrailin varlığını təhlükə altına alacaq” yeni təşəbbüslə qarşı-qarşıya qaldıqlarını qeyd edən Netanyahu, hökumətin yekdilliklə qəbul etdiyi qərarı parlamentə təqdim edəcəklərini bildirib.