Təhlükəsizlik məsələləri üzrə türkiyəli ekspert Mete Yarar bələdiyyə seçkilərinin nəticələrini qiymətləndirən çıxışında, CHP-DEM Partiyası ittifaqını misal gətirərək, vətəndaşların hökumətdən nə istədiyini şərh edib. Xlaqcəbhəi.az Türkiyə mətbuatına istinadən xəbər verir ki, DEM Partiyasının terror təşkilatının uzantısı olduğunu vurğulayan Yarar, "Prezident Ərdoğan Türkiyədə terroru aradan qaldırdımı? Şərqi və Cənub-Şərqi Anadoluya sülh gəldimi? İnvestisiyalar həmin bölgələrə axdımı? O zaman niyə ikiüzlülük edirsiniz?”,-deyə bildirib. Bu gün hətta millətçi səslərin də CHP-DEM ittifaqına keçdiyini bildirən Yarar, "Seçkiləri qazanıb "Apo" şüarları səsləndirirlər. Ərdoğanın yerində olsaydım, "PKK ilə mübarizədə nəyi səhv etdim" deyə soruşardım. “Cəmiyyət terrora son qoymaq istəyir, yoxsa başqa bir şey?. Bir tərəfdən terrora qarşı mübarizə aparmaq istəyəcəksiniz və bu günə qədər ən yaxşı siyasəti həyata keçirənləri qazana atacaqsınız. Gəlin soruşaq, bəs cəmiyyət nə istəyir, Ərdoğana nə mesaj verir?",-deyə vurğulayıb.