Gürcüstan 2024-cü ilin ilk 6 ayı ərzində Azərbaycandan 48,09 milyon dollar dəyərində 60 080,09 ton neft və neft yağları idxal edib.

APA-nın Tbilisi müxbiri xəbər verir ki, bu barədə Gürcüstan Milli Statistika İdarəsinin hesabatında qeyd olunub. Bildirilib ki, cari ilin birinci yarısında Azərbaycandan idxal edilən məhsulun dəyəri illik ifadədə 28,73 milyon dollar və ya 2,43 dəfə, həcmi isə 35 581,12 ton və ya 2,45 dəfə artıb.
2023-cü ilin yanvar-iyun ayları ərzində Gürcüstan Azərbaycandan 19,718 milyon dollar dəyərində 24 498,97 ton neft və neft yağları idxal edib.