Rusiyanın Vaşinqtondakı səfiri Anatoli Antonov Ukrayna prezidenti Vladimir Zelenskinin ABŞ-a səfərini Hollivud şousu ilə müqayisə edib.

"Zelenskinin ABŞ-a səfəri yerli hakimiyyət orqanları tərəfindən əsl Hollivud şousu kimi səhnələşdirilir. Keçmiş aktyora dünya təşkilatının tribunasından danışmağa icazə verildi, sonra onu Vaşinqton ofislərinə apardılar" - Rusiyanın ABŞ-dakı səfirliyinin Telegram kanalında diplomatın sözlərindən sitat gətirib.

"Administrasiya rəsmiləri dönə-dönə “Ukrayna qalib gəlməlidir” deyirdilər.

Onlar terrorçu rejimə amerikalı vergi ödəyicisinin cibindən milyardlar, habelə rekord həcmdə silah və sursat vəd ediblər. Eyni zamanda ruslara qarşı yeni sanksiyalar elan etdilər” - deyib.

Cavid