Suriya Daxili İşlər Nazirliyinin verdiyi məlumata görə, paytaxt Şamda DEAŞ terror təşkilatına qarşı keçirilən əməliyyatda çox sayda terrorçu saxlanılıb.

Xalqcebhesi.az xəbər verir ki, Nazirliyin Telegram üzərindən yaydığı açıqlamaya əsasən, Şamın Qərbi Quta bölgəsində yerləşən əl-Kisve, Deyr Habiye, əl-Muqəylibə və Zəkiyyə yaşayış məntəqələrində DEAŞ-ın hüceyrə strukturlarına qarşı əməliyyatlar keçirilib.

Əməliyyat zamanı çox sayda DEAŞ üzvü həbs edilib, həmçinin istiliklə idarə olunan raketlər, yüngül, orta və ağır silahlar, müxtəlif partlayıcı qurğular və partladılmağa hazır intihar kəmərləri ələ keçirilib.

Məryəm Quliyeva