Qərbi Afrika ölkəsi Qanada meymunçiçəyi virusuna yoluxma hallarında artım müşahidə olunur. Qana Səhiyyə Xidməti (GHS) ölkədə 34 yeni yoluxma halının qeydə alındığını açıqlayıb. Beləliklə, ümumi yoluxma sayı 79-a çatıb.

Xalqcebhesi.az xəbər verir ki, GHS-nin məlumatına görə, yeni yoluxma halları ölkənin 10 vilayətində qeydə alınıb. Hazırda 4 nəfərin xəstəxanada müalicə aldığı, virusla təmasda olan şəxslərin izlənildiyi və ölkə miqyasında epidemioloji nəzarət tədbirlərinin gücləndirildiyi bildirilib.

Səhiyyə qurumu vətəndaşlara döküntü, qızdırma, limfa düyünlərində şişkinlik və əzələ ağrısı kimi simptomları müşahidə etdikləri təqdirdə dərhal yaxınlıqdakı tibb müəssisəsinə müraciət etmələri ilə bağlı kritik xəbərdarlıq edib.

Məryəm Quliyeva