İranın Türkmənistanla sərhəd bölgəsinə yaxın Məşhəd şəhərində bir neçə partlayış baş verib.

APA xəbər verir ki, bu haqda İsrail ordusunun mətbuat xidməti məlumat yayıb.

Məlumatda həmçinin İsrail hərbi hava qüvvələrinin yanacaqdoldurma təyyarəsinə hücum etdiyi bildirilir.

“Hərbi Hava Qüvvələrimiz təxminən 2300 kilometr məsafədə İranın şərqindəki Məşhəd hava limanında İran ordusuna aid yanacaqdoldurma təyyarəsinə hücum etdi. Ordumuz İran ərazisində hava üstünlüyünə nail olmağa çalışır.”, - məlumatda deyilir.

Mətbuat Xidmətindən onu da bildiriblər ki, bu, İsrailin indiyədək İrana endirdiyi ən uzunmənzilli zərbədir.