Almaniya kansleri Fridrix Mers bəyan edib ki, Avropa İttifaqı artıq Ukraynaya yardım imkanlarını demək olar ki, tam şəkildə tükədib.

Xalqcebhesi.az-ın məlumatına görə, onun sözlərini RIA Novosti yayıb.

“Avropa İttifaqının malik olduğu imkanlarla biz demək olar ki, edə biləcəyimiz hər şeyi etdik,” – deyə Mers bildirib.

O, ABŞ prezidenti Donald Trampı Ukraynaya silah tədarükünü bərpa etməyə razı salmağa çalışdığını da əlavə edib, çünki Avropa Ukraynanın ehtiyaclarını qarşılayacaq gücdə deyil.

Qeyd edək ki, bir gün əvvəl Belçikanın baş naziri Bart De Vever də çıxışında NATO sammitinin, Avropa İttifaqı ilə ABŞ arasında Ukraynaya dəstək məsələsində ciddi fikir ayrılıqlarını üzə çıxardığını demişdi.

Məryəm Quliyeva