İran lideri Ayətullah Əli Xameneinin müşaviri və keçmiş parlament sədri Əli Laricani, İsrailin hücumların ilk günündə bəzı yüksək vəzifəli İran rəsmilərinə təhdid mesajları göndərdiyini bildirib.

Xalqcebhesi.az xəbər verir ki, Dövlət televiziyasında çıxış edən Laricani, İsrailin məqsədinin təkcə hərbi və siyasi infrastrukturu deyil, birbaşa İranın ali lideri Xameneini hədəfə almaq və dövlət sistemini çökdürmək olduğunu deyib. “Düşmən liderlik toplantısını hədəf almaqla dövlət strukturlarını çökdürə biləcəyini düşünürdü,” – deyə o qeyd edib.

Laricani əlavə edib ki, hökumətə qarşı xalqın dəstəyinin zəifləyəcəyi fikri ABŞ və İsrailin yanlış hesablaması olub: “Xalqın güclü birliyi və müqaviməti İsrailin planlarını yenidən nəzərdən keçirməyə məcbur etdi.”

O, şəxsi təhdid aldığını da açıqlayıb: “Mənə Təh­randan çıxmaq üçün 12 saat vaxt verildiyi, əks halda mərhum general Qulamalireşid və general Məhəmməd Bakıri ilə eyni aqibəti yaşayacağım bildirildi. Amma onlara Netanyahuya yaraşan bir cavab verdim.”

Məryəm Quliyeva