ABŞ-ın Ayda­ho ştatında meşə yanğına müdaxilə edən yanğınsöndürənlər kəskin nişançının hücumuna məruz qalıb. Hücum nəticəsində 2 itfaiyeci həlak olub, 1 nəfər ağır yaralanıb.

Xalqcebhesi.az xəbər verir ki, rəsmilər, yanğının qəsdən törədildiyini və yanğınsöndürənləri hədəf almaq üçün pusqu qurulduğunu bildirir. Kootenai County şerifi hadisəni “planlı və məqsədli bir hücum” adlandırıb.

Silahlı hücum edən şəxs, hadisə yerinə yaxın meşəlik ərazidə silahı ilə birlikdə ölü tapılıb. Yanğın bölgədə hələ də nəzarət altına alınmağa çalışılır.

Hadisə ilə bağlı FBI istintaqa başlayıb.

Məryəm Quliyeva