Əfqanıstanın şərqindəki Hindukuş dağlarında baş vermiş zəlzələnin təsiri təxminən 500 min nəfəri əhatə edib, onların yarıdan çoxu uşaqlardır.

Xalqcebhesi.az xəbər verir ki, bu barədə BMT-nin Uşaq Fondu (UNICEF) məlumat verib.

"500 min nəfər zəlzələdən təsirləndi, bunlardan 263 mini uşaqdır", — fondun bəyanatında qeyd olunur.

İnterqovluq qiymətləndirməsi nəticəsində, 30 əfqan icmasında təxminən 20 min yeniyetmə zərər çəkib — 10 mindən çox qız və 9,4 minə yaxın oğlan.

UNICEF vurğulayıb ki, bu rəqəmlər katastrofanın uşaqlara qarşı qeyri-bərabər təsirini nümayiş etdirir. Fond zərər çəkmiş yeniyetmələrə təcili kömək göstərilməsini çağırıb.

Məryəm Quliyeva