Ukrayna prezidenti Vladimir Zelenski amerikalı həmkarı Donald Trampla Ukraynanın hava hücumundan müdafiə sistemlərinin gücləndirilməsini müzakirə edib.

Xalqcebhesi.az xəbər verir ki, bu barədə Ukrayna lideri öz Telegram kanalında məlumat verib.

"Prezident Trampı, Rusiyanın enerji sektorumuza etdiyi zərbələr barədə məlumatlandırdım. Bizə dəstək göstərməyə hazır olduğu üçün minnətdaram. Hava hücumundan müdafiə sistemimizi gücləndirməyin yollarını və bu sahədə hazırladığımız razılaşmaları müzakirə etdik. Güclü variantlar və real olaraq bizi gücləndirmək üçün yaxşı fikirlər mövcuddur", - deyə o, qeyd edib.
Zelenski əlavə edib ki, danışıq zamanı Trampı Yaxın Şərqdəki vəziyyətlə bağlı əldə olunan razılaşma münasibətilə təbrik edib. Ukrayna prezidentinin sözlərinə görə, görüş "çox məhsuldar" olub.

Məryəm Quliyeva