Fələstin tərəfdarları Berlində Almaniyanın ZDF telekanalının ofis binasını müvəqqəti olaraq zəbt ediblər.

Xalqcebhesi.az xəbər verir ki, bu barədə “Focus-online” xəbər portalı məlumat yayıb.

Onun sözlərinə görə, günorta saatlarında təxminən 15 nəfər Unter den Lindendəki ZDF studiyasının açıq qapılarından keçib. Mühafizəçilərin tələblərinə məhəl qoymayan fəallar binanı tərk etməkdən imtina ediblər. Hadisə yerinə polis cəlb olunub. ZDF rəhbərliyi, Focus-online qeyd edir ki, fəallara görüş təklif etsə də, onlar bundan imtina ediblər.
Etirazçılar foyeyə gətirilən səs sistemi ilə uşaqların ağladığını əks etdirən səs yazısını səsləndiriblər. Bir neçə dəqiqədən sonra hüquq-mühafizə orqanlarının əməkdaşları fəalları qovmağa müvəffəq olublar. Bundan sonra 12 nəfər ZDF binası qarşısında aksiya keçirib.

Məryəm Quliyeva