ABŞ Ukraynaya yardımı tamamilə dayandırmaqla hədələyir.

Xalqcebhesi.az xəbər verir ki, bu barədə Ukrayna rəsmisinə istinadən American Broadcasting Company (ABC) məlumat yayıb.

Qeyd olunur ki, rəsmi Kiyev təklif olunan razılaşma ilə razılaşmasa, Vaşinqton yardımı dayandıracaq.
Rəsmi şəxsin sözlərinə görə, Amerika yardımının dayandırılmasına zenit raketlərinin tədarükü, kəşfiyyat məlumatlarının paylaşılması və ABŞ-dan silah təchizatı və dəstək ilə bağlı digər öhdəliklər daxildir.

Bundan əvvəl ABC News yüksək rütbəli ukraynalı məmura istinadən xəbər vermişdi ki, Kiyev Vaşinqtonun Rusiya-Ukrayna münaqişəsinin həlli ilə bağlı təklif etdiyi planla razılaşmasa, ABŞ Ukraynaya bütün yardımı tamamilə kəsməklə hədələyib.

20 noyabrda Ukrayna millət vəkili Oleksiy Qonçarenko Donald Trampın sülh planının 28 bəndini dərc edib. Sənəddə Ukraynanın NATO-ya üzv olmaqdan imtinası, yeni sərhədlər, bufer zonası, Ukrayna Silahlı Qüvvələrinə məhdudiyyətlər və dondurulmuş Rusiya aktivlərindən istifadə daxildir.

Məryəm Quliyeva