İsrail İranla mümkün gələcək müharibə üçün yeni texnologiyalar hazırlayır.

Teleqraf xəbər verir ki, bu barədə İsrail Müdafiə Nazirliyinin baş direktoru Amir Baram bildirib.

“İranın ekstremist ideologiyasından qaynaqlanan hava hücumundan müdafiə və ballistik raket imkanlarının sürətli şəkildə artması göstərir ki, bütün cəbhələr hələ də açıqdır və İsrail ordusu yeni döyüş mərhələlərinə hazır olmalıdır”, - o deyib.

Amir Baram qeyd edib ki, düşmənlər öyrənir və vəziyyətə uyğunlaşırlar: “Yeni bir model formalaşmazdan əvvəl həlledici bir nöqtədəyik”.

O vurğulayıb ki, İsrail müdafiə texnologiyaları sahəsində misilsiz bir ekosistem yaradıb, bu ekosistemi yalnız bir neçə ölkə təkrarlaya bilər və bu, onilliklər boyu davam edən əməliyyat təcrübəsi və mövcud təhlükələrlə birbaşa qarşıdurmanın nəticəsidir.

Amir Baram həmçinin “Iron Beam” lazer müdafiə sisteminin təcili şəkildə yerləşdirilməsinə toxunub.