Estoniya hakimiyyəti NATO-nun müdafiə planları çərçivəsində belə bir qərar qəbul edilərsə, ölkə ərazisində nüvə silahının yerləşdirilməsini istisna etmir.

Xalqcebhesi.az xəbər verir ki, bu barədə Baltik respublikasının xarici işlər naziri Marqus Tsaxna bildirib.

“Biz ərazimizdə nüvə silahının yerləşdirilməsinə qarşı deyilik. NATO müdafiə planlarına uyğun olaraq zəruri hesab etsə, məsələn, nüvə silahının bizim ərazimizdə yerləşdirilməsini istisna edən heç bir doktrinamız yoxdur”, – deyə nazirin sözlərini ERR dövlət teleradio portalı sitat gətirib.

2025-ci ilin iyununda Estoniyanın müdafiə naziri Hanno Pevkur bildirmişdi ki, Baltik respublikası NATO müttəfiq ölkələrinin nüvə başlıqları daşıya bilən hərbi təyyarələrini öz ərazisində qəbul etməyə hazırdır.

Məryəm Quliyeva