Türkiyə İran ətrafındakı böhran səbəbindən regionda yaranmış gərginliyi azaltmağa çalışır və bu istiqamətdə addımlar atır.

Xalqcebhesi.az xəbər verir ki, bu barədə Türkiyə Prezidenti Rəcəb Tayyib Ərdoğan bəyan edib.

"Biz gərginliyi azaltmaq üçün təşəbbüslər irəli sürürük. Müvəqqəti atəşkəs razılaşmalarının açdığı imkanlar pəncərəsindən tam şəkildə yararlanmaq lazımdır", — deyə Ərdoğan parlamentdə hakim Ədalət və İnkişaf Partiyasının (AKP) fraksiya iclasında bildirib.

O, İsraili münaqişənin nizamlanması prosesini pozmağa çalışmaqda ittiham edib:

"Atəşkəsdən narazı olan İsrail hökumətinin bu prosesi pozmasına imkan vermək olmaz. Əgər bölgəmizdə sülh bərqərar olacaqsa, bu, sionist rejimə rəğmən baş verəcək. İsrail ən kiçik sülh ümidini belə sabote edir."

Məryəm Quliyeva