İranın xaricdəki aktivlərinin dondurulmasının ləğvi və sanksiyaların götürülməsi məsələlərini Tehranın şərti hesab etmək olmaz — bu, onun qanuni tələbidir.

Xalqcebhesi.az xəbər verir ki, bu barədə İran Xarici İşlər Nazirliyinin rəsmi nümayəndəsi Esmail Bəqai bildirib.

"Tutaq ki, İran aktivlərinin blokdan çıxarılması məsələsində bunun İranın şərti olduğunu deyə bilərsiniz. Mən isə deyirəm ki, bu, bizim tələbimizdir — həm də tamamilə qanuni bir tələbdir. Biz qarşı tərəfin bizə sadəcə pul verəcəyini gözləmirik. Söhbət İranın əlindən ədalətsiz şəkildə alınmış hüquqdan gedir", — deyə o, mətbuat konfransı zamanı vurğulayıb.

Bəqai əlavə edib ki, sanksiyaların götürülməsi və uzun illərdir müxtəlif banklarda bloklanmış aktivlər məsələsi İran danışıqlarçılarının ABŞ ilə hər bir danışıqlar raundunda müdafiə etdiyi tələblərdir.

Məryəm Quliyeva