Hindistanın Baş naziri Narendra Modi Fransada keçiriləcək Böyük yeddilik ("G7") sammiti çərçivəsində ABŞ lideri Donald Trampla ikitərəfli görüş keçirə bilər.

Xalqcebhesi.az xəbər verir ki, bu barədə Hindistan KİV-ləri hökumət dairələrindəki mənbələrə istinadən məlumat yayıb.

"The Hindu" qəzetinin qeyd etdiyi kimi, bu görüş Modi və Tramp arasında 2025-ci ilin fevralında Vaşinqtonda baş tutan sonuncu əyani danışıqlardan bəri ilk təmas olacaq.

Mənbələr planlaşdırılan müzakirənin təfərrüatlarını açıqlamayıblar, lakin məlumdur ki, tərəflər ikitərəfli ticarət sazişi məsələlərinə toxunacaq, həmçinin qarşılıqlı maraq doğuran digər regional və qlobal problemləri müzakirə edəcəklər.

Modi və Trampın görüşünün hazırlanması barədə hələlik rəsmi məlumat yoxdur.

Hindistan XİN ötən gün bildirib ki, "sammit çərçivəsində Baş nazir bir sıra dünya liderləri ilə də ikitərəfli görüşlər keçirəcək", lakin konkret adlar qeyd etməyib.

Məryəm Quliyeva