Böyük Britaniya Rusiyanın onun yük gəmilərini ələ keçirməsinə mane olacaq kifayət qədər atəş gücünə malik deyil.

Xalqcebhesi.az xəbər verir ki, bu barədə mənbələrə istinadən "The Telegraph" qəzeti xəbər verir.

Ekspertlərin narahatlığı Rusiya Prezidenti Vladimir Putinin Rusiyanın Qərb ölkələri tərəfindən gəmilərin ələ keçirilməsinə eyni şəkildə cavab verməyə başlayacağı barədə bəyanatından qaynaqlanır.

Nəşrin məlumatına görə, Britaniya komandanlığında xüsusi təşviş yaradan məkan Hind-Sakit okean regionudur. Belə ki, orada Britaniya Krallıq Hərbi Dəniz Qüvvələrinin növbətçilik edən cəmi iki zəif silahlanmış patrul gəmisi var — "HMS Tamar" və "HMS Spey". Eyni zamanda, Kuril adaları yaxınlığında Rusiya HDQ-nin iri qüvvələri, o cümlədən "Varyaq" raket kreyseri fəaliyyət göstərir.

Krallıq HDQ-nin keçmiş komandanı admiral lord Vest və keçmiş müdafiə naziri Ben Uolles qeyd ediblər ki, illərlə aparılan ixtisarlar səbəbindən Britaniya donanması tarixi minimuma düşüb — iki aviadaşıyıcı, altı esmines və beş friqat. Uolles əlavə edib ki, belə bir vəziyyətdə London müttəfiqlərinin köməyinə müraciət etməyə məcbur olacaq.

Məryəm Quliyeva