Bərdə rayonunda üç minik avtomobilinin iştirakı ilə zəncirvari yol-nəqliyyat hadisəsi baş verib.

Teleqraf-ın Qarabağ bürosunun xəbərinə görə, qəza Mingəçevir-Bəhrəmtəpə avtomobil yolunun rayonun Mehdili kəndi ərazisindən keçən hissəsində qeydə alınıb.

Hadisə zamanı “Toyota Camry” (10-RE-858), “VAZ-2107” (77-GZ-516) və digər minik avtomobili (41-BE-260) toqquşub. Zərbənin təsirindən “Toyota Camry” və “VAZ-2107” yolun müxtəlif istiqamətlərinə düşüb.

Məlumata görə, “VAZ-2107” markalı avtomobildə olan 4 nəfər müxtəlif dərəcəli bədən xəsarətləri alıb.