Gürcüstanda radioaktiv maddə olan uranla qanunsuz davranmada şübhəli bilinən şəxs saxlanılıb.

APA-nın yerli bürosu xəbər verir ki, bu barədə Gürcüstanın Dövlət Təhlükəsizliyi Xidmətindən bildirilib.

İstintaqla müəyyən edilib ki, Gürcüstan vətəndaşı olan həmin şəxs nüvə materialı olan “Uran-238”i əcnəbiyə 700 min ABŞ dollarına satmağı planlaşdırıb.

Faktla bağlı istintaq aparılır. Saxlanılan şəxsi 10 ilədək həbs cəzası gözləyir.