Ermənistanda indiyədək yeni növ koronavirusa (COVID-19) yoluxanların ümumi sayı 160 544 nəfərə çatıb.

APA-nın "Sputnik Armenia"ya istinadən verdiyi xəbərə görə, son sutka ərzində Ermənistanda 324 yeni yoluxma qeydə alınıb.

Son sutka ərzində 14 nəfər koronavirusdan ölüb. Bununla da Ermənistanda indiyədək koronavirusdan ölənlərin sayı 2 878 nəfərə çatıb.

Xəstəlikdən sağalanların sayı 145 759 nəfərdir, 11 215 nəfərin müalicəsi davam edir.