Ermənistanda son sutka ərzində yeni növ koronavirus (COVID-19) infeksiyasına 282 yoluxma halı qeydə alınıb, 4 nəfər ölüb.

APA-nın “Sputnik Armenia”ya istinadən xəbərinə görə, bu barədə Ermənistanın Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi məlumat yayıb.

Qeyd edilib ki, bununla da Ermənistanda koronavirusa yoluxanların sayı 171 227, xəstəlikdən ölənlərin sayı isə 3 179 nəfərə çatıb.