Gürcüstanın xarici işlər naziri David Zalkaliani Türkiyəyə səfər edəcək.

APA-nın xəbərinə görə, bu barədə Türkiyə Xarici İşlər Nazirliyinin (XİN) mətbuat xidməti məlumat yayıb.

Bildirilib ki, Türkiyə xarici işlər naziri Mövlud Çavuşoğlunun dəvəti ilə səfər martın 3-də baş tutacaq.

“Səfər çərçivəsində strateji tərəfdaşımız olan Gürcüstanla ikitərəfli münasibətlərimizin daha da gücləndirilməsi imkanları, o cümlədən regional məsələlər müzakirə olunacaq”, - deyə qeyd olunub.