Rusiyanın xarici siyasət strategiyasındakı yeniliklər yaxın gələcəkdə təqdim olunacaq.

APA-nın TASS-a istinadən verdiyi xəbərə görə, bu barədə Rusiya Xarici İşlər Nazirliyinin Məlumat və Mətbuat Departamentinin direktor müavini Oleq Qavrilov deyib."Konsepsiyanın yenilənməsi üzərində iş davam edir, onun təqdimat vaxtını hələ göstərə bilmərəm, ancaq biz yaxın gələcəkdən danışırıq", -deyə o bildirib.

O qeyd edib ki, startegiyadakı yeniliklər ictimaiyyətdə geniş müzakirə olunur və bu yeniliklər 2015-ci ildə qəbul olunmuş strategiya ilə müqayisə edilir. Rusiyanın xarici siyasətinin əsas prinsiplərinin müstəqillik, çoxvektorlu olduğunu və praqmatizmə əsaslandığını deyən Oleq Qavrilov qeyd edib ki, Rusiya bütün ölkələr və onların ittifaqları ilə qarşılıqlı fəaliyyətə açıq qalır.