“Martın 1-də keçirilən 9-cu sinif buraxılış imtahanlarının nəticələri onlayn şəkildə yoxlanılıb".
Bunu onlayn mətbuat konfransında DİM-in Direktorlar Şurasının sədri Məleykə Abbaszadə deyib.
O bildirib ki, 9-cu siniflərin builki nəticələri ötən illə müqayisədə xüsusən riyaziyyat fənnində daha müsbətdir: “Yazı işlərini müəllimlərin evdə yoxlaması üçün şərait yaratdıq. Bu gündən onlayn formada Apelyasiya prosesini elan etmişik. Məsələyə baxıldıqdan sonra həmin şəxsə müzakirə üçün vaxt bildiriləcək. Onların istədiyi formada sosial şəbəkədə və ya hansısa proqramla onlarla müzakirə aparılacaq. Bu proses də təşkil olunub".
M.Abbaszadə qeyd edib ki, hər kəs yazı işi üçün müraciət etməzdən əvvəl öz yazı işinə baxmalıdır.