Bir peyvəndin hazırlanıb satışa çıxarılması uzun bir prosesdir.
Trend-in məlumatına görə, bunu Nazirlər Kabineti yanında Operativ Qərargahın bu gün keçirdiyi brifinqdə Tibbi Ərazi Bölmələrini İdarəetmə Birliyinin (TƏBİB) şöbə müdiri Yaqut Qarayeva deyib.
Onun sözlərinə görə, hazırda bu xəstəliklə bağlı peyvəndin hazırlanması davam edir: "Bu peyvəndin hazırlanıb hansısa ölkədə vurulması faktı hələ yoxdur. Bu peyvəndin hazırlanandan sonra ziyanlı olub-olmaması araşdırılmalıdır. Hələ ki, hazırlanan peyvəndlərin istifadəsinə başlanılmayıb. Bu barədə danışmaq tezdir".