Koronavirusdan sağalmış xəstələrin donor kimi qan verməsi könüllü prosesdir Hadisə

Koronavirusdan sağalmış xəstələrin donor kimi qan verməsi könüllü prosesdir

Koronavirusdan sağalmış xəstələrin donor kimi qan verməsi könüllü bir prosesdir.

Bunu Nazirlər Kabineti yanında Operativ qərargahın brifinqində Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva deyib.

Onun sözlərinə görə, koronavirusdan sağalan xəstələrin qanından plazma kimi istifadə edilir: "Ancaq hər sağalmış xəstənin qanından hər xəstə üçün istifadə etmək mümkün deyil. Kimsə gözləməsin ki, hansısa xəstənin vəziyyəti ağırlaşsın, sonra qan verək. Bu gün xəstələrin sağalması üçün plazmaya çox ehtiyac var".