Ümumdünya Meteorologiya Təşkilatı tədqiqatçılar arasında dünyanın seçilən ilk qadınlarının siyahısını açıqlayıb.
APA-nın xəbərinə görə, 12 ölkədən olan qadının yer aldığı siyahıda Azərbaycanın Milli Hidrometeorologiya Departamentinin Hidrometeoroloji Proqnozlar Bürosunun keçmiş direktoru Umayra Tağıyeva da var.
Qeyd edək ki, Umayra Tağıyeva Azərbaycanın Ümumdünya Meteorologiya Təşkilatında daimi üzvüdür və 2002-ci ildən Milli Hidrometeorologiya Departamentinin Hidrometeoroloji Proqnozlar Bürosunun direktoru vəzifəsində çalışıb. 2006-2010-cu illər ərzində U.Tağıyeva həmçinin BMT-nin İqlim Dəyişmələri üzrə Çərçivə Konvensiyasının (UNFCCC) koordinatoru kimi xidmət göstərib. Universiteti fizika-riyaziyyat elmləri üzrə fərqlənmə dərəcəsi ilə bitirdikdən sonra U.Tağıyeva Azərbaycan Milli Elmlər Akademiyasından coğrafiya elmləri doktoru elmi dərəcəsi alıb. O, meteoroloji tədqiqatları zamanı hava proqnozu və onun təhlili ilə maraqlanmağa başlayır.