Azərbaycan Respublikasının Mərkəzi Bankı tərəfindən təqdim olunmuş məlumatlara görə, bu ilin yanvar-mart aylarında ölkədə Mərkəzi Bankın 840 milyon manat dəyərində notları, 170 milyon manatlıq dövlət istiqrazları, 103,7 milyon manatlıq korporativ istiqrazları, 76,8 milyon manatlıq səhmlər dövlət qeydiyyatına alınıb.
Dövlət Statistika Komitəsindən bildirilib ki, bu dövr ərzində Bakı Fond Birjasında keçirilmiş hərraclarda Mərkəzi Bankın 305,1 milyon manatlıq notları, 290,4 milyon manatlıq dövlət istiqrazları, 23,4 milyon manatlıq korporativ istiqrazları və 6,3 milyon manatlıq səhmlər yerləşdirilib. Birinci rübdə nominal dəyəri 737,8 milyon manat olan korporativ istiqrazları, Mərkəzi Bankın 188,4 milyon manatlıq notları, 104 milyon manatlıq dövlət istiqrazları və 80,9 milyon manatlıq səhmlər tədavüldə olub.