“Caspian Group Holdings” şirkətinin baş direktoru yazıb Siyasət

“Caspian Group Holdings” şirkətinin baş direktoru yazıb

"Tramp Prezident İlham Əliyevi Ağ Evə dəvət etməklə Bakıya minnətdarlığını bildirə bilər"


"Bu gün ABŞ-ın Yaxın Şərq regionundakı ən etibarlı müttəfiqi – İran və Rusiya ilə sərhədi olan Azərbaycanın qarşısında müəyyən çağırışlar dayanıb".
Bunu ABŞ-ın "Caspian Group Holdings" şirkətinin baş direktoru Rob Sobhani "The Washington Times" qəzetindəki məqaləsində yazıb.
Müəllifin sözlərinə görə, ABŞ-ın bəxti gətirib ki, Prezident İlham Əliyev 9 milyon əhalisi olan bu müsəlman ölkəsinə rəhbərlik edir: "Çünki o, qonşularından fərqli olaraq, enerji ixracı məsələsini siyasi oyunlara çevirmir. Birləşmiş Ştatlar dini etiqad azadlığı barədə danışanda Azərbaycanı digər müsəlman ölkələrinə nümunə göstərə bilər".
Müəllif yazır ki, Azərbaycanın dini tolerant cəmiyyətinin nəticəsi həm də mədəniyyət turizmidir. Onun sözlərinə görə, turistlər Azərbaycanı təhlükəsiz, tolerant və daha ucuz bir istiqamət hesab edir.
R.Sobhani yazrı ki, 11 sentyabr hücumlarından dərhal sonra Azərbaycanın keçmiş prezidenti Heydər Əliyev ABŞ səfiri Ross Uilsonu qəbul edib və özlkəsinin tam dəstəyini təklif etmişdi: "Onun irsi – ABŞ və Azərbaycan arasında qlobal terrorçuluğa qarşı mübarizə sahəsində əməkdaşlıq onun oğlu İlham Əliyev tərəfindən davam etdirilir. Bu gün ABŞ-ın hərbi hava qüvvələri Azərbaycanın hava məkanından maneəsiz keçə bilir. Bu əməkdaşlığın diqqətəlayiq cəhəti odur ki, təcili tibbi yardıma ehtiyacı olan amerikalı hərbçilər ABŞ hərbi hospitalına getmək üçün Azərbaycan hava məkanından keçir".
Məqalədə qeyd olunur ki, bu gün Azərbaycan Prezidenti Ermənistanla olan dondurulmuş münaqişəni sülh yolu ilə həll etmək niyyətindədir. Müəllif onu qeyd edir ki, o, öz xalqında ölkənin 20 faizini işğal edənlərə qarşı nifrət aşılamır.
R.Sobhani yazır ki, Prezident İlham Əliyevin Ermənistan-Azərbaycan, Dağlıq Qarabağ münaqişəsini dinc yolla həll etmək səyləri Donald Tramp administrasiyası üçün Moskva ilə regionda sülh üzərində çalışmaq üçün yaxşı imkandır: "Prezident Tramp ABŞ-dan kilometrlərlə uzaqda tərifəlayiq müttəfiqinin olması faktını nəzərə almalı və qiymətləndirməlidir. Prezident Tramp Prezident İlham Əliyevi Ağ Evə dəvət etməklə öz minnətdarlığını bildirə bilər və ən vacib müttəfiqlərindən biri ilə münasibətlərdə yeni səhifə aça bilər".