Azərbaycan və Ermənistan XİN rəhbərləri Münhendə görüşə bilərlər Siyasət

Azərbaycan və Ermənistan XİN rəhbərləri Münhendə görüşə bilərlər

Azərbaycan xarici işlər naziri Elmar Məmmədyarovla erməni həmkarı Zohrab Mnatsakanyan Dağlıq Qarabağ münaqişəsinin nizamlanması istiqamətində danışıqların davam etdirilməsi üçün fevralda Almaniyada keçiriləcək 54-cü Münhen Təhlükəsizlik Konfransı çərçivəsində görüşə bilərlər.
Ermənistan XİN rəhbəri Zohrab Mnatsakanyan bu gün keçirdiyi mətbuat konfransında jurnalistlərin "Qarabağ problemi üzrə Münhendə azərbaycanlı həmkarınızla görüş nəzərdə tutulubmu?" sualına cavabında belə deyib.
"Heç nəyi istisna etmək olmaz. Aydındır ki, danışıqlar prosesində biz irəliyə doğru gedirik. Ənənəyə uyğun olaraq, əgər belə bir görüş barədə razılığa gəlinsə, onda əvvəlcədən məlumat veriləcək. Görüşlərin vaxtı və digər məsələləri biz öncədən razılaşdırmaq və bu barədə ictimaiyyətə xəbər verməyə çalışırıq." - erməni nazir vurğulayıb.