Erməni idmançılar belə buna ciddi yanaşmır - Politoloq Siyasət

Erməni idmançılar belə buna ciddi yanaşmır - Politoloq

İşğal altındakı torpaqlarda keçirilən ümumerməni oyunlarının heç bir beynəlxalq statusu yoxdur.
Bu sözləri politoloq Zaur Məmmədov deyib. O bu oyunlara dünyanın ayrı-ayrı ölkələrində yaşayan erməni idmançıların belə ciddi yanaşmadığını bildirib:
“Bu kimi yarışların keçirilməsində əsas məqsəd qondarma bölgəyə legitimlik qazandırmaq və erməni lobbisindən maliyyə əldə etməkdir. Lakin bu oyunlara heç bir ölkə ciddi yanaşmır. Yarışlarda müsəlman ölkələrindən İran, İraq və BƏƏ iştirak edir. Ermənistan BƏƏ ilə münasibətləri inkişaf etdirməkdə maraqlıdır. Ona görə bu oyunlarda onların iştirak etməsi üçün əllərindən gələni edirdilər. Lakin buna baxmayaraq, sözügedən yarışın heç bir əhəmiyyəti yoxdur”.