“Prezident İlham Əliyev Şərqdən Qərbə böyük dəmir yolu tikintisinin nəzərdə tutulduğunu bildirdi. Macarıstanın bu sahədə böyük təcrübəsi var”.

Bunu bu gün xarici işlər naziri Ceyhun Bayramovla görüşdən sonra Macarıstanın xarici işlər və ticarət naziri Peter Siyarto bildirib.

P. Siyarto deyib ki, Macarıstanın yol tikintisi ilə məşğul olan şirkətləri var: “Prezident ağıllı şəhər və kəndlərin tikilməsi barədə danışdı. Macarıstan şirkətləri “ağıllı şəhər” tikintisində iştirak edə bilər. İşğaldan azad edilən ərazilərdə su idarəetməsi böyük əhəmiyyət kəsb edir və bu sahədə təcrübəmiz var. Eyni zamanda, heyvandarlıq sahəsində təcrübəsi olan şirkətlərimiz var. Bu şirkətlər Qarabağın yenidən qurulmasına böyük töhfə verə bilərlər”.