“Mursinin ölümü müəmmalı oldu. Necə ki,Turqut Özalın, elə də Məhəmməd Mursinin ölümü müəmmalı şəkildə baş verdi. Sissi Mursini ölüm haqqı ilə cəzalandırmağa qorxdu. Mursiyə ömürlük verməkdə onu sağ buraxmaq istəmədi”. Bu fikirləri “Xalq Cəbhəsi”nə açıqlamasında politoloq Əhəd Məmmədli səsləndirib. O bildirib ki, Mursi həbsdə belə hər an Sissi rejiminə böyük təhlükə idi: “Qərara aldılar bu yolla Mursini sıradan çıxarsınlar. İndiki vəziyyətdə ixvanlar yeraltına çəkiliblər. Ona görə onların indiki vəziyyətlərində Sissinin devirilməsini düşünmürəm. Amma necə ki, Menderesi öldürən qatillərin davamçıları indi məğlub durumdadılarsa, Mursini öldürən qatillər də məğlub olacaqlar. Mursinin əvəzləyəcək yeni lider doğulacaq. İslam dünyasının siyasi gələcəyi bu cür liderlərdən asılıdır. Asmaqla, zəhərləməklə, devirməklə, tutmaqla bu axını dayındırmaq mümkün olmayacaq. Mərhum Məhəmməd Mursinin qatillərinə gəldikdə isə, onun qatilləri ABŞ, İsrail, Səudiyyə, BƏƏ, Sissi, ən-Nur partiyası və azlıq təşkil edən koptlardır. "Demokratik Amerika" xalq tərəfindən seçilən prezidenti belə öldürdü. Qanlı diktator Sissi Mursinin ölüsündən belə qorxur. Ona görə də mərhum Mursini ailə qəbirstanlığında dəfn etməyə qoymadı. Gözlənilən idi. Çünki Mursinin qəbrinin xalq tərəfindən mübarizə simvoluna çevrilməsindən çox qorxdular. Fərq etməz Mühəmməd Mursi harada dəfn edilirsə edilsin, şəhid prezident ürəklərdə, yaddaşlarda daim yaşayacaq və onu yaşadanlar mütləq intiqamlarını xainlərdən alacaqlar...”.

Əli